Ünvan: 23 Nobel Prospekti, Amay T/M, Bakı 1000, Azərbaycan | Tel: +994 51 311 00 55 | E-mail: info@npcagro.com
2021 © Müəllif hüquqları qorunur.
Direktor və həmtəsisçi
Surxay Novruzov 2012-2014-cü illər ərzində “IDEA – Ətraf mühitin mühafizəsi naminə beynəlxalq dialoq İctimai Birliyi”ndə layihələr üzrə koordinator vəzifəsindən işləmişdir. Bununla bərabər müxtəlif layihələrin əsas təşkilatçılarından biri kimi Azərbaycanda ətraf mühitin mühafizəsində görülən işlərə öz töhvəsini vermiş və akademik fəaliyyətinin bir hissəsi olaraq “National Geographic Azerbaijan” jurnalına ətraf mühitin mühafizəsi mövzusunda çox saylı məqalələr yazmışdır. 2012-2016-cı illər ərzində Belçikada Flaman Hökümətinin Ekologiya, Ətraf mühit və Enerji departamentində, WWF təşkilatının Türkiyə nümayəndəliyində və Türk Dilli Ölkələrin Əməkdaşlıq Şurasında təcrübə keçmiş, ixtisası ilə bağlı bacarıqlarını inkişaf etdirmişdir.
2008-2012-ci illərdə Surxay Novruzov Bakı Dövlət Universitetinin Coğrafiya fakültəsində ətraf mühitin qorunması ixtisası üzrə bakalavr təhsili almışdır. 2014-2016-cı illərdə Macarıstanda yerləşən Debrecen Universitetində Ətraf mühit və kənd təsərrüfatının idarə olunması üzrə magistr dərəcəsinə yiyələnmiş, təhsil müddətində əlavə olaraq dünyada ətraf mühit və kənd təsərrüfatı sahəsində lider olan Vağeningen Universitetində daxili mübadilə proqramı ilə təhsil almışdır. Akademik fəaliyyəti dövründə əsasən torpaq kimyası, kənd təsərrüfatı və ətraf mühit, davamlı kənd təsərrüfatı kimi mövzularda fərdi və qrup araşdırmalar aparmışdır. 2017-ci ildən etibarən Bakı Dövlət Universitetində, UNEC-in Beynəlxalq İqtisad Məktəbində ətraf mühit iqtisadiyyatı, ekoturizm mövzuları üzrə müəllim işləyir.