NPC Agro Konsaltinq və Mühəndislik 2016-cı ildə xaricdə təhsil almış bir qrup gənc mütəxəssis tərəfindən təsis olunmuşdur. Şirkət 2018-ci ildə ilə davam edən əməkdaşlığın nəticəsi olaraq yarı Danimarka şirkətinə çevrilmiş, xidmətlərini inkişaf etdirmiş və şaxələndirmişdir.
Azərbaycanda ilk kənd təsərrüfatı və aqrar biznesin inkişafı üzrə konsaltinq və mühəndislik şirkəti olan NPC Agro ABŞ, Kanada, həmçinin Avropa Birliyi ölkələrində konsaltinq şirkətləri və bu sahədə fəaliyyət göstərən ən yaxşı kənd təsərrüfatı və ətraf mühit universitetləri ilə əməkdaşlıq etməkdədir. Əsas məqsədimiz müasir və ağıllı kənd təsərrüfatı sistemlərini sahələrdə tətbiq etməklə investisiya qoyuluşunu azaltmaq, iş effektivliyin və məhsuldarlığı artımaqdır.
Bu məqsədimizə nail olmaq üçün təklif etdiyimiz innovativ texnologiyalar, həmçinin beynəlxalq müstəvidə fəaliyyət göstərən tərəfdaşlar ilə birlikdə, yüksək peşəkarlıqla müştərilərimizə xidmət göstərməyi hədəfləyirik.
Yerli və xarici mütəxəssislərdən ibarət komandamız bitkiçilik, suvarma mühəndisliyi və torpaq idarəçiliyi sahəsində layihələrin müxtəlif aspektlərini özündə birləşdirən xidmətlər təklif edir.
Missiyamız
Biz aqrar sahədə fəaliyyət göstərən sahibkarların qazancını artırmaq üçün aşağıdakıları təklif edirik:
- Beynəlxalq tərəfdaşlarımızla birlikdə yerli fermerlərin inkişafını artırmaq;
- Davamlı olaraq sahibkarların iş effektivliyini ölçmək və artımını təmin etmək;
- Onları işlərinin və məhsullarının keyfiyyətlərinin yüksəldilməsinə kömək edəcək lazımi dəstəkləyici xidmətlərlə təmin etmək.
- Ətraf mühitin çirklənməsini birinci prioritet halına gətirərək kənd təsərrüfatını davamlı inkişaf etdirmək üçün elmi və praktik təcrübə yaratmaq.