Gəncəbasar bölgəsində yerləşən 500 hektarlıq texniki üzüm sortlarının əkildiyi meyvə bağlarında 12 metr aralıqla elektromaqnetik skan xəritələməsi işləri başa çatdırılıb. Nəticədə sahədə torpağın dəyişən əraziləri müəyyən edilmiş və minerallaşma (EC) xəritələri tərtib olunmuşdur.
Məlumat üçün qeyd edək ki, skaner torpağın üzərində hərəkət edərək və heç bir sahə məhdudiyyətinin təsiri olmadan (şum, yüksək alaq, nahamarlıq və s.) ərazini analiz edə bilir. Torpaq nəmliyi geniş məlumatlı xəritələrin yaradılmasında vacib elementdir, buna görə də payızdan yazadək məlumat toplama dövrü üçün ideal vaxtdır.
